Euskal Mitologia‎ > ‎Elezaharrak‎ > ‎

Basandere eta Xalbatoreko zutargia

    Basandere Irati oihanaren ondoan dagoen Galharbekopotxa lezean bizi omen zen. Haitzuloan Basajaunek lapurtutako zutargi bat zuen. 

    Mendibe herriko Lohibarria baserriko semea bere behiekin larrean zebilela, Basanderek garbitu berria zuen zutargiaren dizdira ikusi omen zuen. Honek, Xalbatore baselizakoa zela ohartuta, zutargia lapurtu zion, eta azkar batean bere lekura itzultzera joan zen. 

    Basandere, haserrearen haserrez orruka hasi zen, eta Basajaun erakarri zuen bere ondora. Biak behizainaren atzetik abiatu ziren, eta harrapatzera zihozela Xalbatore ermitara iritsi zen.

    - Salbador jauna zuregana nekarren zutargia, erruki zaitez nitaz! -esan zuen.

    Une hortan baselizako kanpaiak jotzen hasi ziren.

    - Kanpai hotsak libratu hau, baina baraurik harrapatzen hauten egunean gogoratuko haiz! - esan zion Basajaunek.
Handik egun batzuetara baserritarra baraurik topatu zuen Basajaunek. Honek izututa eskuak burura eraman zituen, eta hile artean gari ale bat topatu zuen. Berehala garia ahora eraman zuen, honela barau apurtuz, eta harriskuaz libratuz.

    Oraindik ere zutargiak Xalbatore baselizan dirau.
Comments